Día das Letras Galegas

O vindeiro 17 de maio é o Día das Letras Galegas, que coma sabedes, este ano está dedicado a Ricardo Carvalho Calero.

Conta nove estrelas de Andrea Maceiras

Só Quepi ousou desobedecer o mandato do Observatorio Interteretelar para protexer a un bobó, un pequeno e peludo animal...

• Booktrailer elaborado por alumnado de 1º de ESO do IES Neira Vilas.
• Libros de Andrea Maceiras en GaliciaLe.

Premios dos Clubs de Lectura para Andrea Maceiras

Andrea Maceiras vén de recibir o Premio dos Clubs de Lectura 2020. Moitos parabéns para unha autora moi lida no noso centro o cal visitou en dúas ocasións.

""Arquivo AELG - Eduardo Castro Bal".

• Web de Andrea Maceiras.
• Andrea Maceiras na web de AELG.

Día das Escritoras

O Día das Escritoras é unha conmemoración promovida pola Biblioteca Nacional de España xunto a FEDEPE e a Asociación Clásicas y Modernas que se celebrou o 14 de outubro baixo o lema: "Mulleres, amor e liberdade".

• Día de las Escritoras.
• Recompilación de fragmentos de escritoras galegas.

Premio dos Clubs de Lectura 2019 a María Reimóndez

María Reimóndez vén de recibir o Premio dos Clubs de Lectura 2019 que se entregará no transcurso da XII Xornada dos Clubs de Lectura dos centros de ensino secundario de Galicia.

De Santos Díez (Ollo de Vidro-ACAB)

Os máis lidos nos Clubs de Lectura

Xa coñecemos a lista dos cincuenta títulos máis lidos nos Clubs de Lectura durante o curso 2017/2018. 

Un Nadal de poesía

Lembrámosvos que no noso blogue Bibliosansa podedes atopar unha selección de libros de poesía que titulamos " Un Nadal de poesía".

Carl Larsson

Amamos la poesía Quevedo por Juan Echanove

Hoxe traemosvos a esta bitácora a Quevedo recitado por Juan Echanove. É, como xa vos decatariades, outro dos vídeos do proxecto "Amamos la poesía".

Amamos la poesía

"Amamos la poesía" é o nome dun proxecto da RAE e da editorial Condé Nast para difundir a poesía española e hispanoamericana a través de vídeos con prestixiosos actores  e músicos recitando.



Hoxe deixámosvos un vídeo co Soneto XXIII de Garcilaso de la Vega recitado por Santiago Auserón.

Premio San Clemente

A pasada semana coñeciamos os gañadores da XXIV edición do Premio San Clemente:

• Marcos Calveiro pola novela O xardineiro dos ingleses.
• Pedro Mairal pola novela La uruguaya.
• Ha Kang pola novela La vegetariana.

Estes premios son moi especiais para nós porque, coma moitos sabedes, o xurado está conformado por alumnado de once centros educativos de Galicia.

XI Xornada dos Clubs de Lectura

Mañá celebrarase en Santiago de de Compostela a XI Xornada dos Clubs de Lectura na cal o poeta Carlos Negro recibira o Premio dos Clubs de Lectura deste ano.

Día das Letras Galegas: María Victoria Moreno

O equipo da biblioteca e o EDLG veñen de repartir hoxe un marcapáxinas deseñado polo noso profesor de Educación Plástica de secundaria para o Día das Letras Galegas. 

Esta data dedícase, coma xa sabedes, a María Victoria Moreno. Seleccionamos entre a súa obra algúns títulos que pensamos vos poden interesar ao alumnado de secundaria: Leonardo e os fontaneiros (a partir de 12 anos), Anagnórise (a partir de 14 anos) e Guedellas de liño e seda (a partir dos 14 anos). 

Carlos Negro, premio dos Clubs de Lectura 2018

O poeta Carlos Negro vén de ser galardoado co Premio dos Clubs de Lectura 2018. O escritor lalinense é autor de obras entre as que figuran algunhas ben populares entre o noso alumnado dos dous últimos cursos de secundaria: Makinaria e Penúltimas Tendencias.

Moitos parabéns por tan merecido premio a quen cultiva a palabra poética dende o convencemento de quen se achegou á poesía coa conciencia de que "a palabra se me estaba impoñendo coma un instrumento para exercer a memoria e buscar  a verdade (a miña memoria e a miña verdade)". 
 

Os 50 títulos máis lidos nos Clubs de Lectura

A Asesoría de Bibliotecas Escolares vén de facer pública a lista dos 50 libros máis lidos nos Clubs de Lectura durante o curso 2016/2017.

Guías de suxestións de Nadal

Xa podedes atopar en Bibliosansa e na nosa web as guías de suxestións de Nadal.

Carl Larsson

• As nosas guías para este Nadal.
• Recomendacións para o Nadal das bibliotecas escolares de Galicia.

Féliz Día da Biblioteca

Mañá, 24 de outubro, conmemoramos o Día da Biblioteca. Xa sabes que mañá e o resto dos días agardámoste onde o mundo se chama biblioteca.

• O Día da Biblioteca en Bibliosansa.
• Campaña "Estoy en la biblioteca" (Observatorio del Libro y la Lectura. MECD).
• Actividades das Bibliotecas Escolares de Galicia.

A terra de Anna

Coñecemos por Rede Lectura da publicación en galego da novela A terra de Anna, un dos últimos libros do escritor noruegués Jostein Gaarder (autor por certo de El mundo de Sofía, unha entretida novela que nos introduce na historia da filosofía).

Preme aquí se queres ler o inicio da novela.

X Xornada dos Clubs de Lectura

Mañá un grupo de alumnas do noso club de lectura, acompañadas por dúas profesoras do centro, estarán presentes na X Xornada dos Club de Lectura.

• Programa.

Sobre os Premios Xerais e un libro moi especial de Xurxo Mariño

Atopamos en Rede Lectura nova da concesión dos Premios Xerais 2017 que este ano recaeron en: Santiago Lopo, María Canosa e Manuel Lourenzo.
O mantedor literario dos Xerais deste ano foi o científico Xurxo Mariño quen no seu discurso, titulado "Unha pedra Negra", nos lembra a importancia da necesaria convivencia das humanidades e das ciencias:

A capacidade de asombro e a intensa potencia poética dalgúns feitos científicos son equiparables as representacións artísticas máis fondas. A falta de comprensión e dificultade que poden existir nalgúns procedementos científicos non son escusas para non abrazar o coñecemento que se xera. De igual xeito que é posible gozar con intensidade da música sen saber tocar un só instrumento ou sen saber como ler unha partitura, tamén é posible gozar da extrema capacidade de abraio e suxestión da ciencia sen coñecer os detalles das fórmulas matemáticas ou os experimentos de laboratorio. Dedicarse a explorar o pracer do coñecemento artístico ignorando este suculento anaco da torta é perder unha magnífica fonte para nutrir a alma

Xurxo Mariño, "Unha pedra negra"

• Discurso completo de Xurxo Mariño na gala dos Premios Xerais.
• Terra, último libro de Xurxo Mariño, no blogue Bibliosansa.
• Os dados do reloxeiro: ciencia amena para mentes inquietas de Xurxo Mariño na mediateca da web do Consello da Cultura. 
• Po de estrelas. Novas receitas científicas de Os dados do reloxeiro de Xurxo Mariño na mediateca da web do Consello da Cultura.

Nemo o rapaz sen nome

Nemo, quen é Nemo? Todo o que o rodea está envolto no misterio. Un rapaz silandeiro e introvertido cunha misión que cumprir...