O Rei dos clubs de Lectura galegos é.... AGUSTIN FERNANDEZ PAZ
Segundo
Praza Pública Agustín Fernandez Paz é o autor máis leido nos CLubs de Lectura dos Colexios e Institutos galegos ¿Que vos parece? ¿Gustavos?... a verdade é que a nos tamén nos encanta...somos coma todos os demais , jejeje.
Deixovos aqui un corta-pega do artigo que podedes ler directamente no enlace de Praza Pública.
Nos centros de ensino secundario de Galicia
funcionan 222 clubes de lectura,
unha estupenda maneira de fomentar a paixón pola literatura entre os e
as adolescentes, que decote teñen a oportunidade de coñecer persoalmente
a algúns dos e das autoras escollidas. O blog
Ler en Mancomún,
un espazo creado polas bibliotecas escolares galegas, vén de publicar a
listaxe cos autores e obras máis lidas nestes cluber ao longo do curso
2012-2013.
A lista de autores e autoras está
encabezada por Agustín Fernández Paz, escollido por 66 dos clubes, seguindo a bastante distancia por Jordi Serra i Fabra (33),
Laura Gallego (26), Miguelanxo Prado (22), Fran Alonso (20), Xabier
Docampo (20), Marcos Calveiro (18), César Mallorquí (18), Carlos Ruíz
Zafón (17), John Boyne (17), Roald Dahl (16) e Paco Roca (16).
Os libros máis lidos, con todo, foron O curioso incidente do can á medianoite (Rinoceronte), de Mark Haddon, e Engurras (El Patito Editorial), de Paco Roca, elixidos por 16 dos centros. Detrás deles aparecen
O neno co pixama a raias (Faktoría K), de John Boyne;
O Principiño (Galaxia), de Antoine de Saint-Exupéry; e
Persépole (Rinoceronre), de Marjane Satrapi. Escollido por bastantes clubes atopamos tamén das
Cartas de Inverno de Fernández Paz,
Palabras de auga de Marcos Calveiro,
Cando petan na porta pola noite, de Xabier Docampo, ou
Resistencia, de Rosa Aneiros.
No total de títulos e autores,
o galego é a lingua máis frecuente nas obras escollidas polos clubes de lectura, cun total de 1.113 lecturas, por diante do castelán (700) e cunha certa presenza do inglés (46), francés (19), italiano (15), portugués (9) e alemán (3).
De Boy di esto a Wikipedia: O autor fai fincapé nas primeiras páxinas que o obxetivo deste libro simplemente é ofrecer aolector unha serie de aventuras e sucesos que lle ocurriron ao longo da súa vida, dende que naceu ata ser unha persoa adulta, e que logo
lle servirían para inspirarse nas numerosas novelas que escriveu..Esto non é unha autobiografia, é o relato dunhas cuantas cousas que lle sucederon a Roald Dahl durante a sua estancia na escola e despois
de sair dela. Algunhas divertidas. Outras tristes. Todas son verdade.E
algunhas delas inspirarono para contar fantàsticas, divertidas e
terribles aventuras nos seus libros.
